Glæsilegur árangur.

Þetta er vægast sagt glæsilegur árangur hjá þessari glæsilegu stúlku.  Árangur sem flestir geta öfundað hana af.  Ég veit að þetta er í það minnsta mun betra en ég útskrifaðist með. 

Ég vona að stelpan "mín" sem er með skerta sjón á öðru auga eigi eftir að brillera í námi eins og hin nýútskrifaða Helga sem ég vil óska innilega til hamingju og óska velfarnaðar í lögfræðináminu sem hún stefnir á.

Sá ekki á töfluna

Er fjöldi skilnaða þá sambærilegur?

Í kreppunni á ég ekki von á því að fólk sé mikið í því að kaupa sér mikið að fasteignum nema þá nauðbeygt.  Spurning um að kanna fjölda hjónaskilnaða síðan að kreppan skall á og bera þá saman við fjölda þinglýstra kaupsamninga.  Ég gæti vel trúað að þetta haldist í hendur því miður. 

Svo er náttúrulega alltaf sá möguleiki fyrir hendi að þarna séu erlendir aðilar að hasla sér völl með því að kaupa eignir af fólki sem er á hvínandi kúpunni og búið að lækka fasteignir sínar umtalsvert.  Svo hefur reyndar fólksflótti frá Íslandi aukist til muna og fólk kannski vill síður sitja uppi með óseldar eignir á Íslandi í byrjun nýs lífs í nýju landi.

Samt sem áður þá læðist einhvern vegin alltaf að mér sá grunur að þarna séu fasteignasalar jafnvel sjálfir á ferð í kaupum og sölum sín á milli.  Leiðinleg hugsun en ég fæ þetta alltaf á tilfinninguna.

Þokkaleg fasteignasala á höfuðborgarsvæðinu

Hefði nú haft meiri áhyggjur af öðru ...

Ég hugsa að maður hefði nú gert það sama og hlaupið út með byssuna í hendi til að gegna skyldu sinni, jafnvel klæddur í eitthvað mun kjánalegra eða minna.

Við Íslendingar teljum nú bleikar nærbuxur sennilega ekki vera það alvarlegasta þar sem að margir íslenskir karlmenn, undirritaður meðtalinn, eiga bleik föt af ýmsum toga og þykir bara flott að ganga í þeim.  Kaninn hefur kannski einhverjar hómófóbískar kenningar um þetta en ætli það hefði ekki þótt jafn kjánalegt ef að hermaðurinn knái hefði hlaupið út í Joe Boxer náttbuxum eins og margir spranga um í Kringlunni hér á skerinu?

Hins vegar er það annað sem mér finnst varhugavert hjá þessum eflaust ágæta hermanni.  Það er skóbúnaðurinn.  Mér sýnist hann standa þarna á inniskóm einhvers konar.  Það gefur náttúrulega kost á allra handana sýkingum og/eða meiðslum sem gætu reynst honum hvimleið þegar á líður.

Svo náttúrulega æpir rauði bolurinn "Hér er ég!"  Virðist ekki falla alveg jafn vel inn í umhverfi litað af sandpokum, gróðri og grjóti eins og hinir grænu félagar hans.

Á bleikum nærbuxum

Eru þetta nú réttu málefnin?

Ég efast ekki um að það þarf eitthvað að skoða mál eiganda Goldfinger og hinna staðanna upp á mannréttinda þeirra kvenna sem vinna þar að gera.  Hins vegar tel ég algerlega það vera einkamál dansarans um það hvort að hún/hann vilji dansa nakinn eða ekki.  Ég veit fyrir mitt leiti að ef að ég væri kvennmaður með alltílagi líkama þá væri ég að dansa þar sem að launin fyrir það eru töluvert hærri en launin mín. (NB, ég tala af þekkingu. Er bæði búinn að vinna á súlustað og átt kærustur sem voru dansarar.)

Hins vegar er ég á því að þetta séu alls ekki réttu málefnin sem þarf að hugsa um á Íslandi í dag.  Ástandið í þjóðfélaginu er nú ekki í svo góðum skorðum að ráðamenn þjóðarinnar þurfi að vera velta sér upp úr þessu.

Í Guðanna bænum takið nú puttann úr botngatinu á ykkur þarna á Alþingi og reynið að vinna í brýnni málum en þessu.

Vilja banna nektarsýningar

Er þetta ekki hústökumál??

Mér er bara spurn hvort að þetta flokkist ekki sem hústökumál og megi því forseti alþingis siga lögreglunni á framsóknarfólk ef að þau færa sig ekki??

Það væri bara fyndið að sjá lögregluna bera Sigmund út í fósturstellingu, eldrauðann í framan eins og reitt smábarn sem fær ekki sínu framgengt.  Hægt væri að toppa það ef Sif væri svo öll úfin og rifin eftir átök við yfirvaldið og Eygló að hella mjólk í augu Birkis Jóns eftir piparúðann.  En þetta er bara svona mynd sem ég sé í fyrir mér og væri til í að sjá í fjölmiðlum landsins.

Það á ekki að gefa þeim möguleika á að haga sér eins og frek smábörn en ef að þau ætla að gera það á annað borð að veita þeim flengingu í samræmi við það.

Ef að ég væri forseti okkar hæstvirta alþingis þá myndi ég alla vega bara hringja á lögregluna og rumpa þessu máli af.  Burtu með þetta hústökufólk og hananú!!

Þeir sitja sem fastast

Skil bara ekkert í þeim!

Ég skil ekki hvernig þeim dettur virkilega í hug að þetta gangi upp hjá þeim.  Hugmyndin er virkilega góð og stæði ég heils hugar með þeim í þessu máli ef að þau hefðu bara framkvæmt þetta með leyfi húseiganda.  Það er nefnilega það sem málið snýst um.  Þessi gjörningur er því miður ekkert annað en innbrot fyrst að ekki var fengið leyfi frá eiganda hússins.  Það nefnilega skiptir ekki máli að ef að þú ferð inn í hús í óleyfi hvort að þú þrífir húsið eða ekki. Það er samt innbrot.  Ég vona bara að þegar lögreglan kemur til að fylgja þeim út þá skapist ekki einhverjar óeirðir sem beinast að röngum aðilum þ.e. lögreglunni.

Götuvirki hústökufólksins

Bara næstum því eins og á móti Hollandi ...

Ég verð að viðurkenna að mér þykir það alltaf jafnfurðulegt að þegar Ísland vinnur aðra smáþjóð í fótbolta þá er voðalega lítið talað um það.  Ekki nema þá að segja frá hvað hefði betur mátt fara. Hins vegar ef að Ísland tapar í fótbolta þá berjast allir við að afsaka tapið og mér skilst að 2-0 tap sé bara nánast það sama og sigur.  Nema það að við töpuðum. 

Alveg er það merkilegt að strákunum sé ekki hampað meira fyrir að vinna heldur en að tapa.

Veigar tryggði 1:0 sigur á Makedónum

800-5005

Mér fannst þetta vera góð frétt til að minna á fíkniefnasíma lögreglunnar sem er 800-5005 en það er hægt að hringja í hann nafnlaust ef maður hefur einhverjar upplýsingar um fíkniefnamál.  Um að gera að leggja númerið á minnið.

Ólögleg plönturækt í Breiðholti

Rússnesk herstöð á Íslandi!

Amms, fyrirsögnin er víst rétt. Var að horfa á fréttirnar á Stöð 2 og þar er talað um að Rússar vilji setja upp herstöð á Íslandi gegn þessu myndalega láni sem þeir vilja veita.  Þetta er víst verið að taka fyrir í neðri deild rússneska þingsins um þessar mundir.  Ísland stendur náttúrulega svo illa að ef til kemur að við verðum nauðbeygð að taka við peningum frá Rússlandi þá verðum við víst að sætta okkur við það sem lánadrottnarar leggja fram.  Ég var víst búinn að spá þessu og það var alveg ljóst að Rússar myndu vilja eitthvað á móti.

Nú erum við skotmark tækifærissinna út um allann heim.  Margir sjá sér eflaust leik að borði að kaupa sig inn í stór og arðbær fyrirtæki framtíðarinnar á Íslandi.  Þannig sá ég þetta tilboð frá Bandarískum aðila sem vildi kaupa virkjanir á Íslandi og borga áætlaðan gróða fyrirfram.  Þetta er náttúrulega gullið tækifæri og sorglegt ef við þyrftum að gefa þetta svona frá okkur fyrir skjótfengann gróða sökum efnahagsástandsins.  Ég stend ennþá við mína skoðun með að við hefðum átt að vera búin að leita til Norðmanna fyrir löngu.

Svo virðist vera sem að allt stefni í 75% verðbólgu.  Ég verð að viðurkenna að ég er ekki alveg viss hvað það þýðir fyrir hinn almenna landa eins og mig en talað er um að ástandið verði eins og árið 1984.  Það hljómar hræðilega að mínu mati.  Mamma og Pabbi skildu, amma mín dó, ég hóf hina ógnvekjandi skólagöngu og við áttum svart/hvítt sjónvarp og ekkert vídeó.   Ég man að íbúðir kostuðu ekki nema 2-5 milljónir og bílar ennþá minna. 

Ég vona að þetta ástand komi ekki til aftur.  Ég held að við þurfum að taka svolítið rússnesku aðferðina á þetta.  Rússar lentu  nefnilega í þessu hérna einu sinni, þeir sáu að allt var að fara til fjandans og þá kom bara "ohó" frá þeim og svo var öllu skellt í lás.  Öllu var beint inná við og innflutning var haldið í lágmarki.  Nægjusemi og fátækt takk.  Þetta sýnist mér að við verðum að gera líka, beina okkar inn á við, auka við fiskveiðar, reyna að auka við útflutning og minnka að sama skapi innflutning.

Það er náttúrulega deginum ljósara að við verðum að halda uppi innflutning á kornvörum samt sem áður til að halda brauðgerð á landinu og bruggverksmiðjunum gangandi.  

Ekki niðurstaða í Moskvu

Mikið hljóta rauðsokkur að vera ánægðar,

Don´t get með wrong, ég er fyllilega samþykkur jafnréttis og sé engan mun á körlum og konum frekar en svörtum og hvítum, rétthentum og örvhentum eða dökkhærðum og ljóshærðum, rauðhærðum eða jafnvel sköllóttum.  Launamunur kynja fyrir sömu vinnu á hreinlega ekki að vera til, og hana nú!  

En mikið held ég að þeir sem hæst hafa haft um konur í stjórnunarstöðum, launamun kynjana og karlastörf og kvennastörf séu ánægðir núna.  Nógu mikið er nú rætt um þetta af kvennrembum landsins, hvort sem það eru karlkyns eða kvennkyns kvennrembur.

Fyrst Landsbankinn og nú Glitnir.  Annars skil ég ekkert í þessum konum að gangast við störfunum á þessum tímapunkti, ekki nema að þeim hafi verið boðin svona góð laun, ofurlaun eins og fyrrennarar þeirra voru á.  Ef að einhver aðili setur fyrirtæki gjörsamlega á aðra hliðina þannig að eftir standa brunarústirnar einar saman þá þyrfti alla vega að bjóða mér hrikalega góð laun til að taka að mér hans starf eftir að sá hinn sami er horfinn á brott.  Helst hefði ég lagt til að þessir sömu aðilar væru skikkaðir til að taka sjálfir til eftir sig og svo þegar því væri lokið að þá væru þessir sömu menn reknir með skömm.  Þá fyrst væri hægt að ráða nýja bankastjóra sem geta unnið vinnu sína í friði án þess að yfirþyrmandi skuggi forveranna skyggi á allt starfsumhverfið.

En eins og málin standa þá verður maður bara að óska nýju bankastýrunum velfarnaðar í starfi.

Þóra er formaður Nýs Glitnis