Aumingja World Class menn...

Nú veit ég ósköp lítið um eigendur World Class þannig að þar til að annað kemur í ljós þá vil ég nú láta þá njóta vafans.  Bloggarar tala um að það þurfi að taka þá fyrir en ég verð að viðurkenna fávisku mína og spyrja bara, fyrir hvað?  Mér sýnist einhvern vegin þetta líta út eins og hinn fyrndi glæpur barnanauðgarans Benjamíns hafi ekki komið fram á sakavottorði og þess vegna hafi það verið "hreint" þegar það barst þeim í hendur.  En eins og flestir vita þá er teppið ennþá skítugt þó að maður sópi undir það, gestirnir sjá það bara ekki.  Alveg er það eins með suma af þessum aumingjum sem líta rosalega vel út á yfirborðinu en eru hálfrotnir að innan vegna skítsins sem var sópað undir. 

Að mínu mati þá gerðu World Class rétt með að segja Benjamín upp störfum og ég vona að æra hans sé sködduð af eigin aðgerðum og hann fái ekki vinnu við neitt nema skúringar fyrst að hann talaði þá ágætu vinnu ræstitækna svona niður.  En ég er nú samt viss um að hann fær vinnu hjá einhverjum smáglæpamanninum þar sem að alltaf má nota gott sett af vöðvum og ekki eru "sko" settar "sko" fram miklar "sko" menntunarkröfur. "sko".

Eins og ég sé málið þá er þessi Ragnar sem Benjamín réðist á bara óheppinn í viðskiptum og hefur runnið á rassinn með hvern viðskiptasamninginn á fætur öðrum. En er ekki málið fyrir þá aðila sem telja að Ragnar skuldi sér peninga að fá sér lögfræðing í málið og ef eitthvað er við Ragnar að sakast að lögsækja manninn þá bara.  Greinilegt er að eitthvað er ólöglegt hjá þeim fyrst að þeir fara ekki þá leiðina og senda Skomanninn Benjamín hinn ógurlega á staðinn.

Starfar ekki lengur hjá World Class

Athugasemdir

[svo (IP-tala skráð) 24.9.2008 kl. 19:06]

SKO einar SKO ég ætla SKO að láta SKO þig SKO vita það SKO að sKÚRINGAR eru SKO ekkert til að SKammast sín fyrir SKO ath það SKO

[linda (IP-tala skráð) 24.9.2008 kl. 22:19]

Skil ekki alveg með þetta sakavottorð.

Hann Benni var í fangelsi(minnir mig fyrir fikniefni)

HVernig er það ,kemur ekki allt á sakavottorðið hjá manni?

[jeg (IP-tala skráð) 24.9.2008 kl. 22:34]

Ég held að Ragnar sé ekkeert svona saklaus eins og að hann lýsir yfir sko.. Eru báðir eintómir vitleysingar.

[Einar Sveinn Ragnarsson, 24.9.2008 kl. 22:35]

Sæl Linda.  Hann Benjamín sat inni í 2 ár fyrir að nauðga 13 ára stúlku á Hvolsvelli ef að ég man rétt.  Jú það kemur allt inná sakavottorð hjá manni en ef ég man rétt þá fyrnist dómurinn á 10 árum eftir að setið var seinast inni fyrir hann.  Eftir stendur þá "hreint" sakavottorð.  T.d.  X drepur mann 20 ára, X fær lífstíðardóm, þ.e. 16 ár. X losnar úr fangelsi þá 36 ára og dómurinn hans er þ.a.l. dottinn út af sakavottorði X þegar X er 46 ára. X er því með "hreint" sakavottorð þegar hann sækir um starf hjá Strætó 47 ára gamall.

[Kobbi (IP-tala skráð) 24.9.2008 kl. 22:57]

Bull, bull, bull. Kynferðisbrot gegn börnum fyrnast ekki.

[guðrún (IP-tala skráð) 24.9.2008 kl. 23:53]

Nauðgunin átti sér stað á Hellissandi, ekki Hvolsvelli.
Sjá hér

Kobbi: Kynferðisbrot gegn börnum fyrntust þar til nýlega að lögum þar um var breytt og þó að lögunum hafi verið breytt, held ég að það eigi bara við um brot sem eiga sér stað eftir lagabreytingu...þ.e.a.s. að enn eigi gömlu fyrningarákvæðin við um þau brot sem áttu sér stað áður en lögunum var breytt . Fáránlegt, já.

[Gunnar (IP-tala skráð) 24.9.2008 kl. 23:54]

Það er bara nýbúið að breyta því þannig.

[Gunnar (IP-tala skráð) 24.9.2008 kl. 23:55]

aðeins of seinn.

[Einar Sveinn Ragnarsson, 24.9.2008 kl. 23:56]

Ok, ekki mun ég þræta um það.  enda hef ég ekki lagst í mikla rannsóknarvinnu.  Hins vegar vildi ég minnast á að brotið  umrædda var í húsi á Hellissandi en ekki á Hvolsvelli eins og mig minnti.

[Jónas (IP-tala skráð) 25.9.2008 kl. 10:19]

"Óheppinn í viðskiptum" .... Ertu að grínast? Þessi maður notar hvert tækifæri til að svíkja pening út úr mönnum sem eru ekki þekktir fyrir neitt annað en heiðarleg viðskipti.

Ég hélt líka að það sæju það allir að þessi fundur þeirra snérist um að Benjamín er að rukka Ragnar um bílinn sem hann á víst að hafa látið brenna. Það átti sér ekki stað nein handrukkun fyrir þriðja aðila. ÞEtta snýst um deilur á milli þeirra tveggja sem enduðu með því að Benjamín lumbrar aðeins á Ragnari. Það kemur líka greinilega fram að þarna er maður sem á ekkert á pappírum og því hafa menn ekkert annað upp úr krafsinu við að fara í mál við hann en kostnað sem fæst aldrei til baka.

Ég skil ekki hvað Kompás var að gera með því að fara í samstarf með svona glæpamanni. Ég hélt að þeir stunduðu fagmannlegri vinnubrögð en það.

Og að reyna að sverta mannorð lögreglumanns sem var ekki að gera neitt annað en að vinna vinnuna sína finnst mér fyrir neðan allar hellur. Það trúir enginn því sem Ragnar sagði um þessa yfirheyrslu.

Þó að Kompás hafi reynt að stilla þessu þannig upp að Ragnar væri góði gæinn sem er búinn að vera óheppinn í viðskiptum, þá held ég að flestir viti betur.

Ég sé þetta þannig að Ragnar sé að kaupa sér einhverja vernd fyrir þeim sem hann er búinn að svíka í gegnum tíðina á meðan Annþór ,handrukkari Íslands og góður vinur hans, situr inni og getur ekkert gert.

Ég mæli líka með að menn horfi á upptökuna í fullri lengd. Ragnar kemur ekki eins vel út úr því og klipptu útgáfunni.

[Jói (IP-tala skráð) 25.9.2008 kl. 13:04]

1. Það að brot falli út af sakaskrá manna hefur ekkert að gera með fyrningu brota. Fyrning er sá tími sem það tekur frá því að brot er framið  þangað til að ekki er lengur hægt að dæma menn fyrir það.

2. Kynferðisbrot gegn börnum fyrnast víst. Það var þannig að þau fyrndust á sama hátt og önnur kynferðisbrot. Nú byrjar fyrningarfresturinn hins vegar að líða eftir að barn verður 15 ára.

3. Það er rétt hjá þér að brot falla út af sakaskrá eftir ákveðinn tíma.  Í 11. gr. reglugerðar um sakasrá ríkisins segir:

Í sakavottorð samkvæmt þessum kafla skal ekki greina þær upplýsingar sem skráðar hafa verið um viðkomandi einstakling eða lögaðila þegar 10 ár eru liðin frá síðustu af eftirtöldum tímamörkum:

a. lokum afplánunar fangelsisrefsingar,

b. lokum reynslutíma reynslulausnar,

c. uppkvaðningu úrskurðar um niðurfellingu ráðstöfunar skv. 62.-67. gr. almennra hegningarlaga,

d. lokum réttindasviptingar eða endurveitingu réttinda,

e. uppkvaðningu endanlegs dóms eða dagsetningu ákvörðunar sem ekki fellur undir a-d lið.

Af þessum sökum var ekki hægt að sjá nauðgunina hans benna á sakavottorði hans eftir 2004 þar sem hann slapp út úr fangelsi 1994 fyrir hana. Ég er nokkuð viss um að hann sé hins vegar búnað vinna mun lengur þarna hjá World class auk þess sem hann hefur setið inni fyrir ýmis önnur brot síðan.

[Jói (IP-tala skráð) 25.9.2008 kl. 13:09]

Jónas: Það kom greinilega fram í óklipptu útgáfunni af þessu myndbandi að Benni var einmitt ekki að rukka hann fyrir að brenna bílinn hans enda segir hann "....þess vegna freimaði ég því á þig." Það kemur hins vegar greinilega fram að hann er að rukka hann um 5 millur fyrir að hafa svert mannorð sitt með því að kalla hann handrukkara opinberlega.