Fleshlight þá??

Sorglegt er að heyra, kreppan bankar á dyrnar og fólk fer að standa í búðarhnupli.  Smáhlutir sem flestir myndu kannski telja óþarfa ef hart er í ári, virðast freista veikari einstaklinga til ólöglegs athæfis.  Þetta, ásamt bensínþjófnaði, almennri gremju og meðfylgjandi slagsmálum virðist fara fjölgandi á seinustu mánuðum. Vekur athygli mína á hversu vel þetta helst í hendur með yfirstandandi gengisfalli og vaxandi verðbólgu. 

Ég vona bara að við, þessir sterku víkingar berjumst áfram á þrjóskunni þangað til að ráðamenn þjóðarinnar taki ákvörðun með það hvort að við fáum hinn stöðuga gjaldmiðil evruna eða drögumst lengra niður í skítinn með okkar ástkæru krónu.

Annars var ég að velta fyrir mér hvort að hjálpartækið góða hefði verið Fleshlight sem bloggað var um að væri allt og dýrt.  Ég vona bara að þarna hafi ekki verið á ferðinni sá hinn sami að mótmæla verði.

Fólk staðið að hnupli

Tímarofi, þvílíkur öðlingur.

Já það er ekki að sjá annað en að Josef Fritzl hafi nú aldeilis borið hag dóttur sinnar og barna/barnabarna fyrir brjósti.  Tímarofi þannig að þau gætu komist út í ferskt loft og á meðal fólks ef að kallinn yrði fyrir einhverju. 

Þetta var snögglega skotið í kaf af lögreglu og skilur maður eiginlega ekkert í lögfræðingum Fritzl að reyna þetta.  Reyndar skil ég ekki þá lögfræðinga sem taka það að sér að verja svona skrímsli.  Það getur varla verið gott fyrir mannorð lögfræðistofunnar þó svo að auglýsingin sé stór.

Mikið er ég sammála þessari hugmynd um að láta kallinn þarna inn og láta reyna á tímarofann, sérstaklega þar sem að lögreglan var búin að komast að því að umrædd hurð var innsigluð og ógjörningur að ganga um hana.  Hins vegar finnst mér að það ætti að ganga aðeins lengra og láta einhverja hafa lykla að kjallaranum sem gætu nýtt sér aðstæður.  Þá dettur mér helst í hug stór aðili sem heitir Bubba eða þá að við gætum bara leigt Steingrím okkar Njálson til Austurríkis.

Josef Fritzl snýr heim

Jámms, þvílík hneysa ...

Já hérna hvað sumt fólk er aftarlega á merinni eða ætti maður að segja sumar þjóðir?  Þetta er náttúrulega einhver hómófóbía að þurfa að ráðast á og beita ofbeldi þennann (eflaust)minnihlutahóp bara af því að þeir eru samkynhneigðir.  Að leyfa ekki svona menningarhátíð að fá að standa og ganga sinn vanagang bara.  Þessir óeirðaseggir átta sig greinilega ekki á hvað þeir gera samfélaginu með því að aðhyllast svona 70 ára hugsunarhátt.

Hins vegar kem ég sjálfur sennilega aldrei til með að skilja hvað er svona merkilegt við það sem samkynhneigðir gera.  Af hverju það er spes hátíð fyrir myndlist og kvikmyndun samkynhneigðra ásamt alls konar annars konar menningarviðburðum samkynhneigðs fólks skil ég ekki.  Ég meina, það er ekki eins og samkynhneigðir haldi öðruvísi á pennslinum eða snúi myndavélinni á einhvern annann hátt.  Ekki hef ég alla vega orðið var við það að Hörður Torfa spili á gítarinn sinn öðruvísi en aðrir tónlistarmenn.

Ég geri mér fulla grein fyrir því að þetta er ákveðin frelsishugmynd sem samkynhneigðir eru að lýsa yfir en það að auglýsa sig sem samkynhneigða fatta ég ekki.  Það er bara ekkert merkilegra heldur en gagnkynhneigður, að vera kvennkyns, karlkyns, ganga í stígvélum eða rauðum fötum.  Ég vil meina að þegar svona samkomur eru haldnar þá sé þetta bara auglýsingarbrella.  Listafólkið límir á sig einhvern "fötlunar"stimpil til að vekja aukna athygli því að það ætti nú alltaf að vera fréttnæmt þegar fatlaðir brjótast út fyrir rammann og höftin og sanna sig.

Jafnrétti skal ríkja, hvort sem er hjá hjá köllum eða konum, svörtum eða hvítum nú eða þá samkynhneigðum eða gagnkynhneiðum.  Ergo. Öll dýrin í skóginum eiga að vera vinir.

Samkynhneigð mótmælt í Bosníu

Frábær hugmynd ...

Frábær hugmynd en ekki er hægt að segja að hún sé alveg ný á nálinni, ekki nema þá íslenska útgáfan sem er að öllu leiti brilliant og á margan hátt nýtileg. 

Sjálfur nýtti ég mér þetta í framhaldsskóla þegar ég þurfti að lesa mikið af Laxness fyrir ákveðna áfanga.  Flestir vita að skrif hans eru ekki alveg á ritritaðri íslensku og þreyttist ég mikið í augunum við að lesa hann af einhverji ástæðu.  Þá tók ég á það ráð að bregða mér á bókasafnið og fá að sitja þar inni með headphones og hlusta á lesnar útgáfur af skriftum Laxness.  Ótrúlegt en satt þá þreyttist ég miklu minna í augunum við þetta . Þrátt fyrir að þessar hljóðbækur séu náttúrulega ætlaðar fyrir þá sem eiga við lesblindu að stríða þá fékk ég góðfúslegt leyfi fyrir þessu uppátæki mínu frá bókasafnsvörðum með því skilirði að ég væri á bókasafninu (færi semsagt ekki með hljóðbækurnar) og lúffaði ef einhver kæmi sem þyrfti að fá þetta útleigt.  Það var að sjálfsögðu ekkert mál.

En aftur að hinni snilldarhugmynd Vefþulunni.  Hún minnir mig á annað forrit sem var kannski meira gert til skemmtunar heldur en nýja Vefþulan.  Muna ekki allir eftir Microsoft bréfaklemmunni sem var alltaf boðin og búin að hjálpa manni með allt, allt, alltof mikið?  Það var til svipað forrit sem hét Bonzai Buddy og var lítil górilla sem sagði manni brandara, söng fyrir mann og gat lesið allt sem þú sagðir honum að gera.  Gallinn var þó sá að hann gat ekki lesið íslensku.  Hann virkaði þó vel þegar mann langaði að lesa langar greinar á ensku eða langa enska brandara svo að eitthvað sé nefnt.  Bara copy/paste og Bonzai Buddy las það allt saman með sínum skemmtilega tölvuhreim.

Vefþulan verður á Vísindavöku

Dráttur á málinu??

Ekki ætla ég að reyna að hífa þær mannleysur sem nauðga upp í áliti og enn síður vil ég tala niður þau sem verða fyrir barðinu á þessum nauðgurum.  Heldur vil ég velta upp spurningu um rétt mannsins sem gæti verið ranglega dæmdur. 

Í fréttinni er tekið fram að þarna hefði verið teiti með áfengi og vímuefni við hönd, einnig er tekið fram að konan fór í óminnisástand, væntanlega svocallað blackout.  Ef hún man ekki eftir því sem gerðist, hver veit þá hvort að hún eða hann hafi átt upptök umrædds samlífs?  Og hvergi kemur fram hvort að maðurinn hafi farið í óminnisástand líka, við vitum náttúrulega ekkert um það. 

Margir kannast við það að hafa farið á fyllerí, gert einhvern bölvaðan skandal af sér sem að þeir muna ekkert eftir og vakna svo upp á hinum ólíklegustu stöðum.  Hvort sem að það er í fangelsi, út í runna fyrir utan heima hjá sér með útbíaðar buxurnar á hælunum eða upp í rúmi með mömmu (nú eða pabba) besta vinar síns.  Maður vaknar með geðveikann móral og ógeð á sjálfum sér og það eina sem kemst inn timburmannaplagaðann hausinn er "hvern djöfulinn gerði ég af mér núna?"  Eða það held ég að séu svona algengustu viðbrögðin frekar en "óhó, nú hefur mér verið nauðgað. 

Eflaust hefur verið sannað með réttu að maðurinn nauðgaði konunni í þessu tilfelli en þó er kannski hægt að velta þessari spurningu fyrir sér:  Hvað geta karlmenn gert til að bjarga ærunni eftir fyllerí og eiturlyfjasukk þegar þeir vakna skömmustulegir við hlið ljóts haus.  Getum við æpt "nauðgun, nauðgun" og farið og fengið lífssýnatöku á slysó?  Ég er annsi hræddur um að það yrði litið hornauga á svoleiðis.

 

Svo langaði mig að minnast á það að í frétt sem þessari sem tekur á svo viðkvæmu máli hefði kannski betur átt að orða sem seinagang heldur en "Við ákvörðun refsingar var m.a. litið til þess hversu mikill dráttur var á málinu."  Þetta gefur bloggurum bara alltof lausan tauminn.

Dæmdur fyrir nauðgun

Ekkert skrítið við þetta að mér finnst ...

Amms, Geir að loka hlutabréfamarkaðinum.  Einhvern vegin finnst mér það ekkert skrítið.  Hvað ætli margir af þessum fjármálasérfræðingum þarna úti hafi grætt mikið á falli íslensku krónunnar?  Ég er svolítið hræddur um að þeir hafi nokkrir séð þetta fyrir og keypt sér krónur sem eru gulls virði fyrir þá í dag.  Fyrir vikið hljóta þeir að vera yfir sig hrifnir af því að fá ráðamann þjóðarinnar sem gerði þá ríkari í heimsókn. 

Annars er það gott mál að íslenskir ráðamenn séu á erlendum vettvangi að vinna gott starf, bara vonandi að það leiði eitthvað gott af sér fyrir okkur hin.  Persónulega vildi ég sjá að þessir fundir erlendis myndu færa með sér sölu á rafmagni, hýsingar gagnasafna stærri fyrirtækja erlendis og aukin útflutning á íslensku vatni svo að eitthvað sé nefnt. 

Ég er náttúrulega bara eins og allir hinir, þreyttur á að sjá hvað krónan er í raun veikur pappír.  Einnig vil ég meina að ef að evran er ekki í myndinni þá vildi ég sjá nýtingu íslenskra auðlinda til að styrkja okkar annars ágæta, en veika gjaldmiðils.

Forsætisráðherra á Nasdaq

Aumingja World Class menn...

Nú veit ég ósköp lítið um eigendur World Class þannig að þar til að annað kemur í ljós þá vil ég nú láta þá njóta vafans.  Bloggarar tala um að það þurfi að taka þá fyrir en ég verð að viðurkenna fávisku mína og spyrja bara, fyrir hvað?  Mér sýnist einhvern vegin þetta líta út eins og hinn fyrndi glæpur barnanauðgarans Benjamíns hafi ekki komið fram á sakavottorði og þess vegna hafi það verið "hreint" þegar það barst þeim í hendur.  En eins og flestir vita þá er teppið ennþá skítugt þó að maður sópi undir það, gestirnir sjá það bara ekki.  Alveg er það eins með suma af þessum aumingjum sem líta rosalega vel út á yfirborðinu en eru hálfrotnir að innan vegna skítsins sem var sópað undir. 

Að mínu mati þá gerðu World Class rétt með að segja Benjamín upp störfum og ég vona að æra hans sé sködduð af eigin aðgerðum og hann fái ekki vinnu við neitt nema skúringar fyrst að hann talaði þá ágætu vinnu ræstitækna svona niður.  En ég er nú samt viss um að hann fær vinnu hjá einhverjum smáglæpamanninum þar sem að alltaf má nota gott sett af vöðvum og ekki eru "sko" settar "sko" fram miklar "sko" menntunarkröfur. "sko".

Eins og ég sé málið þá er þessi Ragnar sem Benjamín réðist á bara óheppinn í viðskiptum og hefur runnið á rassinn með hvern viðskiptasamninginn á fætur öðrum. En er ekki málið fyrir þá aðila sem telja að Ragnar skuldi sér peninga að fá sér lögfræðing í málið og ef eitthvað er við Ragnar að sakast að lögsækja manninn þá bara.  Greinilegt er að eitthvað er ólöglegt hjá þeim fyrst að þeir fara ekki þá leiðina og senda Skomanninn Benjamín hinn ógurlega á staðinn.

Starfar ekki lengur hjá World Class

Jább, 15 mínútna námskeið bara?

Jamms það er best að redda þessu og kenna starfsmönnum íslenskuna.  Gott mál að fólk sem býr á Íslandi að læra íslenskuna og enn betra að bjóða upp á íslenskukennslu en ég held samt að okkar ágæta mál verði seint ráðandi tungumál í stærri fyrirtækjum hér á landi.  Sérstaklega ef þessi fyrirtæki eru í útrás og í miklum viðskiptum erlendis.

"Fram komu ýmsar hugmyndir um leiðir til að treysta íslenskuna í sessi. Fyrirtæki geta t.d. markað sér málstefnu. Þau geta lagt meiri áherslu á að bjóða útlendum starfsmönnum upp á íslenskukennslu og þau geta stuðlað að því að íslenska verði ráðandi tungumál í starfsstöðvum hér á landi."

Best er að ímynda sér þetta á ensku með sterkum íslenskum hreim:

"nei herra Geits, við getum ekki hýst skráarsöfnin fyrir PínuMjúkt því að það er svo mikið á útlensku. Það er bara ekki stefna okkar hérna á Íslandi."

Ísland. Best í heimi.

Góðar stundir

Treysta þarf sess íslenskunnar

Gruns um innbrot?

Alltaf kemur mér svona orðalag á óvart, grunaður um innbrot eftir að húsráðendur komu að honum.  En það er víst hver sá saklaus uns sekt er sönnuð.  Annars þarf að taka svona menn úr umferð bara.  Stjúpi minn var með patent lausn á að halda svona mönnum frá:  Hlaða haglabyssuna með grófu salti og hleypa af á punginn á þeim.  "Ef að þeir ná svo að hlaupa í burtu þá gæti löggan bara gengið á vælið og óhljóðin í þessum aumingjum" sagði hann svo.

Ég vona svo innilega að enginn þurfi að lenda í þessu ógeði ef ekki tekst að halda honum inni.

Sætir áfram gæslu vegna kynferðislegrar áreitni

Hvar eru sparimerkin núna?

Sparimerki voru skyldusparnaður sem ungt fólk vann sér inn og gat tekið út þann sparnað við 18 ára aldur. 

Með vaxandi verðbólgu, yfirvofandi kreppu og það að sífellt er verið að minnka þann tíma sem ungt fólk má vinna þá er skiljanlegt að fólk eigi í erfiðleikum með að leigja eða kaupa í fyrsta skipti. 

Þannig er það nú að ég er yngstur af mínum systkinahóp og sá eini sem ekki átti sparimerki.  Þetta gerði mér heldur betur erfitt fyrir í mínum fyrstu húsnæðiskaupum. Bankalán var kosturinn til að eiga fyrir útborgun og það má segja að það sé eins og að skjóta sig í fótinn þar sem afborganir voru þungar ofaná allt annað sem þurfti að borga. 

Ég hefði gjarnan viljað eiga sparimerki á þessum tíma til að auðvelda mér ástandið eins og systkyn mín.  Og nú er unga fólkið í jafnvel enn verri málum en ég var í þar sem að vinnutími krakka er hafður eins stuttur og hægt er og samt er kvartað yfir því að hann sé of langur.  Ekki fær fólk sparimerki eins og var og því enginn skyldusparnaður í gangi.  Ungt fólk verður því að spara sjálft og passa sig að eyða ekki neinu í skóla erlendis eins og ég gerði.  Eða þá í að kaupa sér bíl en ég var nú einu sinni 17 ára líka og veit hversu stór freisting það er.  Ég held að málið sé fyrir ungt fólk í dag að búa hjá mömmu og pabba eins lengi og hægt er, leggja eitthvað inn á lokaðann reikning mánaðarlega og skrá sig í skóla til að eiga rétt á fríum strætó í stað þess að borga okurfjár fyrir bensín.     ...... nú eða þá að flytja á Akureyri þar sem að frítt er í strætó fyrir alla og engir stöðumælar.

Kreppir að fjárhag unga fólksins